Soul9+ (已結業)

朋友最近搬左去北角，參觀完新居就話帶我去隱蔽小街食飯~由新光戲院過馬路一直行，原來入面仲有條叫錦屏街，真係別有洞天，仲要成條食街咁。朋友到SOUL9+門口示意內進，餐廳幽暗既燈光，牆上仲有估計係店主影既黑白相，仲有好多小擺設, 很有格調~餐牌上有d食標誌左"相機食先"同埋"推介菜色"，我當然又喺instagram 睇吓相先啦~　煙燻。海膽玉子燒店員捧住上檯時, 有個玻璃蓋蓋住,入面白濛濛, 店員提醒煙霧維持到一分鐘。慢慢打開蓋，好香既煙燻香氣。伴碟有D食用花,沙律點綴 散發住蛋香既玉子燒，加埋creamy味濃既海膽,一啖咬落去真係心心眼吖!呢道菜真係色香味美! 松葉蟹爪明太子白酒忌廉意粉擺碟放得靚靚,插著一條已經剪開既松葉蟹腳、蟹鉗。意粉加咗好多明太子，食到尾都有，又creamy又惹味!對於我呢啲明太子控，呢個真係必點~燒美國豬鞍扒。新鮮薯角。雜菜沙律切得細細粒嘅薯角，先咬一口外層超鬆化，有入口即溶嘅感覺~真係想另外加多一份呀!主角豬鞍扒都好厚切，燒嘅火候剛好，唔韌， 點埋側邊嘅橙汁很配!睇唔出呢間小店嘅菜式幾出色!難怪朋友會帶我黎一試啦!

係北角的依條街，有好多間選擇，最後選擇這間有英倫味的小店，起碼給人舒服的感覺選擇了一意大利飯和意粉，松露，海膽，鮑魚，白酒忌廉意大利飯同半生熟有子鮮茄偏意粉，另加$38轉套餐，多左沙律同餐湯，不得不說，這店的擺盤都很美，深明相機食先的道理意大利飯首先上枱，一放上枱，松露的石油氣味已經撲鼻，好香，而只係食飯的話，都很明顯有酒的香味，加埋好香，但都唔夠配埋海膽一齊食，海膽的鮮甜湧出黎，係有種爆炸性的味道，而鮑魚我諗過，可以處理得咁香口偏意粉都好快黎到，好明顯見到係新鮮的蕃茄蓉係面，帶子亦都煎的好香口，雖然食到幾種調味料，但食唔出咩黎，總之好食，最後都讚一讚位大廚，我見廚房得佢一位煮，但速度都好，利害

聽聞北角錦屏街有很多fusion食肆, 就約埋朋友逛逛, 今晚就在Soul9+ 西餐廳擦餐飽!今日餐湯係粟米湯, 當ㄧ啖放入口時, 粒粒鮮粟米蓉, 非常清甜, 每啖都感覺到濃郁嘅粟米味,絶不取考。煎鱸魚忌廉薯蓉~ 鱸魚係數一數二嘅高價魚, 㕑師用少許鹽醃製, 再用煎方式来烹調, 時間掌握得啱啱好, 外面卜卜脆, 魚肉弹牙, 有一点点入口溶感覺, 好美味呀, 再配以黑松露醬忌廉薯蓉, 簡直冇得弹, 松露醬惹味, 而薯蓉清及淡淡忌廉香味, 各有特色, perfect match!帶子蘚茄意粉~ 用新鮮蕃茄做自家製茄醬放在意粉上, 酸酸甜甜非常入味, 令人胃口大开, 而帶子煎到半生熟, , 透明色的, 食落很有層次感, 感覺豐富。估唔到係錦屏街都有如此有水準餐廳, 價錢大衆化, 真係不妨ㄧ試。

約了朋友在北角短聚吃午飯，之前來過書局街後面的這條小巷，這裡開了好幾間不同風味的餐廳，有新疆菜、星馬菜、日本菜等等，今次就來了這間西餐廳試試。午餐menu有五、六個選擇，我今次選了西冷扒拼薯菜，西冷扒煎得外層鬆脆，內裡亦做到半熟有肉汁；薯菜是半煎炸的新薯塊，表面灑上七味粉，配上其他配菜包括蕃茄、茄子及洋葱等等，非常美味。跟餐還有餐湯和餐飲，餐湯是普通的粟米湯，味道平平無奇，反而不及打了氣泡的凍咖啡餐飲搶鏡。

錦屏街有唔少野食，一直冇時間去試下，甘岩朋友過來約吹水食飯，揀左Soul 9，貪佢夠隱蔽，而且有室內外可以選擇。野食選擇唔算多，點左份檸檬芝士雞翼，碟上佈置好有心機，令人心情愉快，食指大動。清新檸檬味沖淡左油膩感，配上香濃芝士，一啖咬落去，雞翼外面香脆，裡面嫩滑，檸檬芝士味充斥成個口腔。我叫左白松露.海膽.新鮮鮑魚.白酒意大利飯。顧名思義有齊甘多材料，一上台就聞到好香松露味，於是撈左一半飯。另一半留俾海膽撈，加拿大既海膽好大好正，細滑口感，入口即溶，加入飯度，令成個飯昇華左，好香滑，配合左粒粒分明既硬身意大利飯，三者出奇合拍。最後新鮮鮑魚，size大過湯羹，爽脆彈牙，原來只落左黑椒膽海鹽吊味，但已經鮮甜無比。朋友既美國豬鞍.薯角.雜菜同樣出色。切開手掌大豬鞍，裡頭係粉嫩色，證明師傅火候掌握好，肉汁豐富，肉身有嚼口而唔鞋口，忍唔住切左幾塊大快朵頤。唯一美中不足係甜品要下星期先有得供應。

又再次去呢間餐廳幫襯，同媽媽食過之後覺得食物高質環境又唔錯，所以當表妺話想見面食好野，心中即時諗起它。約實表妺時到先入坐，佢覺得呢間餐廳幾隱世，無論地點同食物。罷設都有情調 前菜煙燻。海膽玉子燒 $108嘩 賣相好靚 送上枱時侍應話要等1分鐘先開，見到個玻璃蓋有煙在飄浮好得意，上次無叫到，終於食到啦！ 開蓋即時傳來陣陣煙燻香氣，大大塊玉子上面還趴著海膽，食第一口蛋都鬆軟，連同海膽食又另一種鮮味。主食半生熟帶子。鮮茄扁意粉 $158賣相一般但味道超好味，帶子剛熟又滑，扁意粉吸收晒鮮茄好濃茄味意粉質地煙韌剛好。新鮮檸皮炸雞亦 $68 表妺最愛香口食物，所以由佢點左呢道小食，用上檸皮同檸汁去醃，另炸雞亦食時有點點果香同甜味，能減低熱氣感！ 意式香草炸芝士條配自家黑松露醬 $68用上Mozzarella芝士同麵包糠，而麵包糠就會炸後較硬身脆口，還食到香草味道，適中芝士做到拉絲軟綿。

午餐經過附近隨意入左去尼間試試啦因為本來諗住食既cafe原來裝修中因為時間關係又見未食過尼間就來吃了尼間店有2間鋪頭 夜晚應該是喝酒的地方中午時間人流已經坐滿一個鋪位所以店員叫我地選擇隔壁鋪位坐比較舒適先來了一碗麵包湯好濃郁既忌廉浸麵包湯Set lunch價錢不算平我地叫左個《36個月火腿原個薄批薄餅》$88賣相一流同埋夠大個每人有3塊薄餅夠脆但就太多空氣雖然食3塊但都吾太飽而火腿片就不錯，芝士可再多一點另外叫左個《黑椒燒紐西蘭P.S級西冷扒》配薯菜$88這個必推西冷扒夠大塊同多肉汁吾會太熟肉汁鮮甜好食最後加$3有凍啡同熱檸蜜而餐飲方面就似普通茶記無咩選擇

朋友住七姊妹道附近，探完佢，佢帶我黎食，佢黎過幾次，無諗過北角後巷後面，有咁有情調同水準嘅餐廳。望下餐牌，側邊有相機圖案的，係相機食先推介，好好笑，所以我同朋友都叫左兩個相機食先推介 半生熟帶子，鮮茄扁意粉，有花花做點綴，賣相擺位真係靚，絕對要影相。帶子大隻，新鮮。意粉入味。好味！！燒美國Prime肉眼扒，好大塊，煑得啱啱好，軟硬適中，高級牛扒果然好味。呢間小店食物有質素，用心製作，價錢合理，值得推介。

這間位於北角食街內的 Soul 9+ 位置十分方便，離北角地鐵站只有兩三分鐘路程，最意想不到的是剛剛還在大街非常繁忙，一轉入去食街的氣氛立時轉變，變得非常寧靜而且感覺很浪漫，令人有放鬆的感覺🥂，不知食物的質素又如何呢。啤酒漿洋蔥圈外皮炸得酥脆，再加上淡淡的啤酒香味和洋蔥的甜味口感複雜。新鮮檸皮炸雞翼因為新鮮檸皮的關係，食的時候有一種清新的感覺，而且油膩感全消，雞翼炸的時間剛剛好一口咬下雞汁立即流出。這個意大利飯真的很特別，用上日本紫薯蓉和意大利飯一起煮成，味道微甜充滿了紫薯味道最重要是沒有煮成生米飯粒粒香軟，偶爾加上香脆帶鹹味的栗米片和鮮味的軟殼蟹一起食囗感複雜卻又出奇地配合 。燒美國豬鞍扒足足有一吋厚，豬味香濃，入口軟滑爆汁盡顯廚師的功架，燒得恰到好處不會過熟而影響口感，也不會未煮熟就上桌，食的時候根本什麼也不用加，實在冇得彈。

天氣回暖，晚上出外用餐就很想找間有室外座位的餐廳舒舒服服享受一下晚上的微風與寧靜，此類餐廳在北角的話，選擇根本是寥寥可數，幸好質素還不差，就例如Soul9+。味道不差而且擺盤用心，整體環境亦有情調。精簡。每款主食加38元就可跟湯和飲品，不錯。《意式香草芝士條.自家黑松露醬 $68》炸皮混有香草，不是鬆脆的口感但咬開有香口的芝士，蘸上隨碟伴上的黑松露沙律醬更惹味！《白松露.海膽.新鮮鮑魚.白酒忌廉意大利飯 $158》+$38套餐享無酒精飲品及沙律新鮮鮑魚彈牙入味，白酒忌廉意大利飯很creamy，再加上白松露.海膽.令整碟更香濃惹味。飲品點了《Fruit soda》,清涼解渴。

要在港島區找一間有舒適室外茶室/餐桌的餐廳實在不易，在腦海中只儲儲了幾間餐廳的名字，Soul9+便是其中一間。對上一次來已經是上年大約6月的事，今次再來正好能看出當中的變化。第一眼便看到餐廳換了字體較大的餐廳，比以往舊餐牌清晰易看。餐牌上的主菜/意粉/意大利飯+$38便可以套餐形式享無酒精飲品及沙律，但餐廳當日以飲品取代餐飲。《煎北美銀花鱸魚.烤雜菜.忌廉薯蓉 $168》+$38套餐享無酒精飲品及沙律沙律清新，沙律醬提味。北美銀花鱸魚比手掌還要大塊，外層煎得十分香脆，增添口感；而魚肉嫩滑，灑上少許海鹽就已經很提味；薯蓉細滑不膩，有著牛油香。飲品點了《Mint chocolate》朱古力細細杯十分香濃，可可味中帶著淡淡的薄荷味，滿足感已抵消了要吃甜品的意欲。

今日去北角探朋友，經朋友介紹這條隱蔽巷仔原來有好幾間食肆，我們選擇了這間＂靈魂Soul9＂他有室內室外環境氣氛不錯，今日天氣不太凍，所以我們選擇坐在室外三五知己慢慢傾慢慢講，寧靜又舒服🤗粟米餐湯粟米湯偏甜，有少少似罐頭粟米湯再加少許奶跟餐沙律沙律菜新鮮酸味味很醒胃啤酒醬洋蔥圈他他沙律醬＄58洋蔥圈香口外層卜卜脆，一口咬落去也沒有甩皮甩骨👏🏻👏🏻點上他他沙律醬酸酸甜甜馬上不覺熱氣新鮮檸皮炸雞翼 $68放在枱上一陣陣檸檬香氣撲鼻，一啖咬落去爆雞汁，沒有炸得過火味道一流👍🏻白汁燴牛肝菌.菠菜闊麵＄108牛肝菌香濃配上闊身的意大利粉很有咬口，菠菜味較淡軟殼蟹粟米片日本紫薯蓉意大利飯 $148賣相非常特別用粟米片圍邊😆軟殼蟹外脆內軟，每一口意大利飯都有日本紫薯蓉，甜綿綿的米飯完全熟透吸收晒所有精華👍🏻👍🏻意大利紅醬水牛芝士薄餅 加 挪威煙三文魚片 $86迷你薄餅皮脆餡料多，挪威煙三文魚鹹鮮新鮮原來配上薄餅出奇地夾美味無窮😋

今日和太太往北角靈魂soul9+食dinner, 我們點了燒美國朱鞍扒, 薯角和雜菜沙律和煎北美銀花鱸魚, 烤雜菜和忌廉薯蓉(加$38 升級湯和沙律) 。燒美國朱鞍扒燒得剛剛好, 有油花, 食落肉質彈牙美味而且食落不感到油膩；薯角是用新鮮薯仔手切, 每一條大小不一, 很有特色薯角炸得金黃乾身, 食落香脆可口配上茄汁食落去不分開胃；雜菜沙律沙律菜好新鮮爽口,橙食落甜度適中；煎北美銀花鱸魚, 賣相一流, 爐魚煎得甘香, 魚肉肉質鮮甜味美, 肉質鮮甜, 十分惹味；烤雜菜新鮮美味, 配上黑醋食, 十分開胃；忌廉薯蓉食落好香滑, 入口即熔, 忌廉味好香濃；加$38升級湯和沙律, 今日的湯是粟米湯, 粟米湯飲落好香滑, 溫度適中, 粟米好鮮甜；最後沙律賣相精美, 材料有沙律菜,蘋果、橙和車厘茄。沙律菜新鮮爽口, 蘋果切得薄薄, 食落清甜；橙甜度適中；最後車厘茄食落酸甜適中好開胃。餐廳格調似英倫風, 座位舒適, 食物美味, 朱鞍扒和煎花鱸魚很有特色, 而且價錢合理, 值得再來的西餐廳。

跟這個老朋友約晚飯, 約了幾次都約不成, 每次總有阻滯, 應該都有兩年無見了吧, 今晚難得約成了, 揀選了一間頗特別的餐廳, 在對我來說幾遠的北角, 專程到訪, 皆因有朋友推介, 有質素保証。今晚客人不多, 可以靜靜的聊天, 餐廳的裝潢幾有特色, 有點歐美小鎮風格, 可惜坐位不算太舒適, 可能剛好坐在門口, 有人出入都有點干擾。主食加$38有湯及沙律，今晚無湯就改送飲品，沙律菜十分新鮮,薄薄的蘋果片也很甜，多汁無衣的柑也是賣點。煙燻海膽玉子燒$108：先用蓋把煙燻味焗在玉子中，待一分鐘就可以揭蓋，玉子香軟滑，配上鮮甜的海膽，口味好夾，海膽和蛋份量都不少呢。意式香草芝士條 自家他他沙律醬$68：芝士條有拉絲咬不開的情況，如果是初相識約會就不建議吃這個了(笑)，口感不錯的小食，飲酒的話更為合適。煎北美銀花鱸魚 烤雜菜 忌廉薯蓉$168：朋友對魚頗有研究，說這鱸魚煎得不錯，滑溜多汁又不會淡而無味，薯蓉幼滑配上黑松露味道十分突出，口感很好，但說好的烤雜菜變成了少許沙律菜。MOJITO：慶祝約得成見面，我們揀了加錢飲COCKTAIL，選擇都幾多，我揀了MOJITO，酒味幾重，青檸和薄荷好清新。食

朋友住向北角，話帶我食好西。北角近地鐵站嗰頭有條巷食肆臨立，包我揀到眼花，三心兩意點指兵兵下，選咗soul 9+。港島寸金尺土，舖頭細細不過戶外都有座位，但係當日太凍，我地選擇喺室內進餐🙈價位200有找，價錢合理，唔想用腦點廚師推介。主菜可加$38換購餐湯及沙律，不過味道一d都唔馬虎是日係薯仔南瓜湯入口綿滑，怕奶味既朋友都話好飲😋沙律菜放到成盤藝術品，搞到我懷疑店主上錯菜🙈主菜揀咗黑松露、海膽、鮑魚意大利飯，菜式設計超級精緻用心，向我撈勻配料一刻都有猶豫，因為太靘唔捨得😭味道夠濃味，稍嫌芝士味太重唔夠層次，食多幾啖有少少悶。另一盤係靈魂半生熟帶子鮮茄扁意粉，又係靘到岩哂打卡用✨帶子大大粒煎香外層內裏軟滑，蕃茄醬令扁意粉食落更開胃，我覺得好食過意大利飯小食選擇困難下揀咗靈魂小食拼盤，原本唸住咩都試下所以揀佢，眼大睇漏眼原來係=6款小食加埋每款小食，份量亦係all-in，超·級·大·份！！唔怪得侍應落單時double confirm我😭每樣都係熱氣到爆岩岩炸起既小食，只得2個人既可想而知最後浪費食物，大家要注意！Drink menu有自家調製cocktail,是日不適，都係要杯檸茶濕口。最