黑木 (已結業)

｜北海道粟米、小魚小女子｜粟米係北海道產、所以特別鮮甜，生食都可以。魚仔叫小女子，唔會太鹹，落沙律一流。｜九州走地雞雞肉棒｜雞飲礦泉水長大，所以特別純淨嫩滑。｜清酒煮貝｜大隻飽滿，好厚肉，清酒最煮出貝嘅鮮甜味～｜鯖魚刺身、磯煮鮑魚｜鯖魚新鮮爽口，鮑魚入味甘甜、質感軟滑｜牛舌拖羅｜第一次食到咁腍滑香口嘅牛舌，唔似平時食嘅爽口、食落真係幾似拖羅，佢個香蒜醋汁簡單係神來之筆～｜青椒仔｜炸青椒仔，送酒一流｜燒鰻魚｜配上特製醬汁同新鮮柚子皮，味道豐富有層次～｜燒黑豚肉燒粟米條｜將黑豚肉切成薄片，卷上美國有機粟米，配上蒜蓉牛油醬，味道好香甜，一條唔夠食呀～｜美國牛肋條｜北海道十勝椰子牛嘅肉質好爽腍，好入味，芥末籽提起牛肉嘅香味～｜昆布清湯米餅｜米餅係燒過嘅，所以特別香口，食完串燒食呢道清甜嘅湯就最適合啦～｜甜品｜賣相好吸引，有三款甜品，雞蛋布丁 黑糖：幼滑重蛋香綠茶餅配十勝紅豆：紅豆沙滑質感同綠茶係絕配西班牙林酒燒菠蘿：好香甜多汁～🤗

消費券在八月頭開始發放，大家也可以放鬆一下緊張的心情，享受一下美好的人生.相信大家也十分喜愛，omakase ,這個日式的料理令人十分驚喜，廚師選用當日最新鮮的材料，炮製最精美的食物給我們吃.食串燒當然要飲日本啤酒，這個是最美好的配搭.前菜的白粟米十分之香甜，好味道選用日本材料，果然質量十分之高.日本雞肉配上，日本雞蛋，這也是最美好的配搭了.這個鯖魚刺身廚師味道控制得宜.這個牛脷選用中心的部位,因此口感十足,水準之作.鰻魚串十分之香脆可口.最尾的甜品也為這一餐畫上完美的句號

壽司廚師發板食得多，串燒發板第一次。感覺好特別，又好食。首先係鱈魚片，薄而脆，蘸沙律醬更好味。雞肉串，伴以溫泉蛋，滑上加滑，肉味濃厚。冲繩海雲配青魚，青魚甜美，海雲酸酸咪咪，開胃。蛤蜊好鮮甜，湯汁滋味！牛脷好正！軟熟質感。建議蘸少許辣汁更好味。採用意大利青瓜，加了少少明太子。食時可灑點檸檬汁或竹炭鹽。簡單而有趣。外層蛋皮，內餡蟹肉，炸得鬆脆，蟹肉的味道表露出嚟。燒白鱔製作繁複，蒸完再燒，加入柚子皮，所以吃起來特別香脆。鹿兒島黑豚配蝦醬，中日合璧，有驚喜。最後一道菜是昆布清湯米餅，湯底清甜，米餅有嚼口。甜品燒菠蘿，採用冧酒和黃糖煮成，提升菠蘿甜度，正！

同事知道尖沙咀黑木有串燒Omakase,約我放工去試吓，串燒食得多，食廚師發板嘅串燒都係第一次，我都想見識一下！天氣熱，入座後先來杯冰凍啤酒解解喝！等待廚師為我們製作串燒時，先食點前菜小食，鱈魚乾脆卜卜，味道香甜，送啤酒一流！沙律有魚生、瓜、蔬菜，既清新又爽口。水雲口感黏滑，混合日本醋作冷盤，酸酸地幾開胃！用松葉蟹做甲羅燒，高級又高質，松葉蟹膏、蟹肉加埋味噌，邊燒邊伴均勻，就咁食超鮮甜，配多士食多咗脆口感！燒雞翼上檯時，廚師先提示要食咗綠色的辣椒先再食雞翼，辣椒燒得好香，唔係好辣，雞翼燒得皮脆肉嫩好入味。燒雞肉棒配溫泉蛋，將雞肉與雞軟骨攪碎，做成肉棒，再以自家製醬汁調味，混合温泉蛋汁來吃，加倍可口。串燒牛舌、鰻魚、豬腩肉，我比較鍾意豬腩肉，因為加左蝦醬，食落爽口惹味。將燒香的米餅放入昆布湯，米餅索左清湯，口感煙韌味道香甜，再加上舞茸菇，更加美味可口！用冧酒燒菠蘿，菠蘿表面燒過有蕉糖，脆脆地，菠蘿清甜又多汁，

金巴利街中有一度小木條門，沒有大大的招牌，正是黑木的所在。拉開門是一個簡潔的日式裝修，坐上吧枱可以看著師傅準備食物。.Omakase 12道菜 | $888先來的鱈魚乾小食，烤得脆口，點些微辣沙律醬，佐酒一流。沙律菜上有北海道生粟米，第一次食生粟米，味道超甜！魚仔是「小女子」，味道有少許苦。沙律醬汁較少，食到沙律菜的甜味。.Earth People | $60啤酒已入口，earth people 帶有檸檬味，容易入口。雞肉棒用的是九州走地雞，吃起來有些口感。蛋煮得半熟，蛋汁成半固體味道更加濃及口感實在。醬汁鹹甜味適中，整體上更能品嚐到雞肉棒的味道。清酒煮蜆，蜆肉超大隻！要分兩三啖食，帶有清酒煮的湯汁，十分鮮甜。鯖魚刺身厚切新鮮，有半隻磯煮鮑魚，生熟度剛好，完全不韌。牛舌拖羅燒到七至八成熟，用了牛舌最嫩滑的部份，肥美口感，入口即溶。醬汁有少許辣，間中點下味道挺不同。食完牛舌有點膩，廚師準備了小辣椒，辣味較淡，留有蔬菜的水份，加了木魚甜甜的。白鱔外面燒得香脆，内裡仍然軟熟肥美。黑豚肉切成薄片捲着美國有機粟米芯，外面塗上蒜蓉牛油醬。牛油🧈味超香，粟米芯爽脆。有兩款牛肉，美國牛肋條加上北海道十

又係廚師發辦啦⋯⋯期待，期待！小吃烤鱈魚片，脆薄如薯片，香口。清新沙律醒醒味蕾。雞肉棒好軟熟，醬汁調味恰到好處，伴以蛋漿，滑滑的口感，一流。三小碟：醃製青瓜，魷魚。青魚配冲繩產海雲。准山伴芥辣。大大隻蛤蜊勁鮮甜，連湯汁都撈埋。牛脷做到半生熟，質感軟熟，油香滿溢。再蘸少許辣汁提升味道，正！來自意大利青瓜，爽甜，配明太子，增加了層次。從末食過的燒蛋皮蟹肉串，滿滿的蟹肉鮮美，蛋皮燒得香口惹味，有點似腐皮。燒白鱔，製作複雜，先蒸後燒，皮脆肉嫩，再加上柚子皮，香氣撲鼻。採用蝦醬作調味燒黑豚肉，可謂大膽的嘗試，意外味道非常夾。清甜的昆布湯，好飲。煙煙韌韌的米餅，有包肚感。燒菠蘿好特別，採用冧酒，散發出酒香，菠蘿更甜美。

同朋友黎到呢問食燒物既日本餐廳 我地都揀左omakase 因為方便 唔洗自己揀食咩 同埋師傅會揀當令既食物 質素相對都會好啲！餐廳唔算太大 但亦因此可以同師傅多啲互動 而每上一道菜時 佢地都會好詳細講解材料及食法 好細心！鱈魚片 燒得好脆 而家好鮮味 作為前菜或者送酒食就岩岩好！雞肉棒配溫泉蛋雞肉係用免治雞肉同雞軟骨 就咁食就好香口 肉質都好嫩 加埋溫泉蛋一齊食 口感好豐富 味道更鮮甜青椒仔招牌雞嚟自九州嘅雞鎚，係店內嘅招牌菜，預先切開黎燒，表皮非常香脆，雞肉嫩滑牛油燒雪場蟹腳 嚟自俄羅斯嘅蟹腳，蟹腳鮮甜，肉質唔會太散黑豚腩串用左鹿兒島既黑豚 唔會太肥膩 好juicy 不過我最欣賞係佢既醬汁 係用蝦醬 唔會過咸 而且十分鮮味！八爪魚山葵八爪魚粒加爽甜青瓜，混合芥末醬，清一清口腔昆布清湯米餅清甜嘅昆布清湯，米餅香脆有咬口，一解之前串燒油膩感波蘿拼芝士年糕最後有甜品做完美既總結😎

上星期去左黑木食omakase，試下味道岩吾岩我口味先！鱈魚魚乾口感好脆口，味道帶咸配埋沙律醬食，味道幾夾，做前菜也不錯。沙律中加入左松葉蟹肉、魚仔令整體吾會太單調。蟹肉帶少少鮮味，魚仔可以成條食，咸咸地。軟骨免治雞肉棒連同溫泉蛋一同食用，利用溫泉蛋蛋醬蛋雞肉棒口感變得滑，因有軟骨食起黎特別有口感！水雲配青魚味道幾夾，水雲酸酸地令人開胃。而青魚帶有魚鮮味，味道不錯。哈利蚌大大隻，食起黎蚌肉爽口彈牙，味道好鮮！牛脷拖羅真的必推介，因為吾似平時所食到既硬牛脷，反而中間帶半熟，口感林林地又夠滑啊！青瓜、青椒可以中和反岩岩所品嘗過的味道。燒白鱔燒得金黃色，口感林身，帶柚子皮香味。花螺口感幾彈牙，帶鮮味！黑豚腩肉因加入左蝦膏醬，除左香味充滿蝦膏香味，豚肉味道仲帶咸味，豚腩肉幾爽口。昆布湯味道清甜。雞蛋布丁配十勝紅豆味道有兩種甜味，雞香味突出又滑，而紅豆夠晒甜！菠蘿味道好多汁又夠甜。

第一次食日式燒烤嘅廚師發板，家姐今次有好介紹，位於尖沙咀韓國街嘅黑木，如果唔係家姐一早訂位同介紹，經過好多次都未必知道有呢間好嘢食。坐低先叫咗支手工啤，帶有果味嘅啤酒最適合夏天享用。餐前小吃：燒鱈魚乾，佐酒一流。水菜沙津配北海道白粟米、松葉蟹肉 ，第一次食北海道白粟米非常驚喜，粟米清甜，甜度極高。燒免治雞軟骨肉串，沾上蛋汁，非常香口。磯煮南非鮑魚，爽口彈牙。九州雞串燒：一串有齊雞手臂、雞軟骨、青椒仔小食芥辣八爪魚，好味！再大碟d就好了！燒牛舌真香，好彈牙！沖繩海云 山芋潰 花螺燒鰻魚串，不是好肥大的那款鰻魚，但燒得很香口。燒鹿兒島黑豚肉腩，一陣好特別嘅香味，原來係用蝦醬醃過，好fusion！燒北海道椰子牛，肉味香濃。昆布清湯燒米餅甜品抹茶黑糖蕨餅 配上滑滑的奶酪布甸 ，再加Rum酒焦糖燒菠蘿，大滿足！

今日專程去尖沙咀金巴利街搵嘢食，不過唔係食韓國菜，而係食日本菜。因為上次被一間門口裝修得好有日本居酒屋風格，名叫「黑木」嘅餐廳所吸引，所以專程來試吓。餐廳主打日式串燒 Omaskase，所以沒有餐牌，對於有選擇困難症嘅我十分適合。燒鱈魚乾燒得十分鬆脆，食落有鱈魚嘅油香味，點上落咗七味粉嘅沙律醬，用來送酒一流。免治雞肉棒用日本雞造成嘅免治肉棒，肉質夠彈口，混上日本溫泉蛋汁嚟食，味道一流。網燒鮑魚用上大大隻嘅南非鮑人魚，配上自家製鰻魚汁（用上鰻魚骨、鰻魚頭熬製），提升左鮑魚嘅鮮味。燒牛脷相信係揀選咗牛脷最幼嫩部份，食落有肉汁和重牛味，加上自家製麻油大蔥醬，十分匹配。牛油燒雪場蟹腳配上竹炭鹽來燒，蟹腳夠新鮮，肉質沒有被燒得太乾身，食落還有海水味。黑豚腩肉用上鹿兒島嘅黑豚腩肉，燒得外層脆脆，入口即溶，再配上自家製蝦膏醬，真係好好食。燒鰻魚外脆內嫩，每一件都加上自家製鰻魚汁和海苔粉，味道相輔相成。汁燒美國牛肋條食落很有口感，由一層層嘅牛肋條肉所組成，再鋪上蘿蔔磨成嘅醬汁，帶出濃厚嘅牛肉味。

偶然在有韓國街之稱的金巴利道發現了『黑木』，簡約的木條子趟門滲出傳統日式居酒屋的味道，這日跟閨蜜聚餐，正好一試。『黑木』充滿神秘感，進店後才知道餐廳主打串燒，燒物，晚市提供$888，12 道菜的廚師發辦，有別於一般刺身壽司形式， 讓我和閨蜜也大呼驚喜！！坐下不久，店員便送來即烤小食「鱈魚乾」，口感比薯片更香脆，食小食最不能缺的一定是酒，馬上來一杯～～再來是「西班牙蜜瓜配香烤小女子魚沙律」，蜜瓜清甜，小魚烤得像炸出來般酥香，帶點甘口，混合黑醋同食，清新又開胃。「磯煮鮑魚3 小品」，南非鮑魚炆得軟淋鮮甜，鮑魚味道濃郁，好食。「東京灣鯖魚」， 切得大件厚身，外皮輕燒過，入口油脂豐富唔腥， 鮮甜中帶有燒過的香味。新鮮黏口的八爪魚切丁，混合日式芥末做成的「芥末八瓜魚」，入口微辣有咬口。一直以為刺身先有拖羅，主廚介紹這道「極品牛舌拖羅」用上西班牙牛舌頂級部位，果真與別不同，油香豐盈， 爽口又嫩滑，沾上蔥油同食，更添風味。接著是2 款選用九州銘柄雞製成的雞肉料理「免治雞肉棒伴半熟蛋」和「 燒雞翼配青椒仔」登場。雞肉棒混合雞髀肉和雞脾軟骨，肉質嫩滑且有咬口，十分特別，沾上半熟蛋同食，雞味更濃厚。看到「

一般的Omakase都是魚生、壽司類別，今次呢間係比較少有主打串燒嘅Omakase，食物高質，環境舒適。裝修係傳統日式居酒屋格局，有幾張細枱同bar枱供客人選擇。餐廳只有飲品餐牌，有各式清酒，手功啤酒同汽水，總共12道菜，每一道菜都會介紹用咩食材同烹調方法👍🏼首先叫咗杯手功啤酒Sour Punch - 酸酸地帶有水果味，一啲苦味都冇，容易入口🍷先上佐酒小食，香脆嘅鱈魚片北海道蔬果白粟米 - 開胃前菜，酸酸嘅香醋堅魚汁加上非常甜嘅日本白粟米🌽軟骨免治雞肉棒 - 先攪勻溫泉蛋放上雞肉棒一齊食，軟骨唔會太多，彈牙嘅肉質可以話啖啖肉😋沖繩海草 東京鯖魚 山芋漬wasabi - 鯖魚好新鮮，下面嘅海草入口滑溜，酸酸地好好食👍🏼 東京貴妃蚝/蛤蜊 - 用清酒煮嘅貴妃蚝，鮮甜爽口彈牙，仲有少少海水味，可以自行加少少菊花一同食用🌻燒白鱔 - 先蒸之後燒到亁，加咗自製鰻魚汁同柚子，爽彈口感，外脆內嫩😋鹿兒島黑豚腩 - 加咗自家調味嘅蝦膏醬落去燒，可以食到小小蝦膏嘅味道，唔會太咸太重又唔會蓋過黑豚嘅味道🐖黑糖冧酒燒波蘿配牛奶醬芝士年糕 - 波蘿表面加上黑糖燒到焦香，食落去波蘿加黑糖嘅鮮甜帶上一陣冧酒嘅味道

尖沙咀尋食發現了這間廚師發板居酒屋，內裏裝修很有日式風格。首先上檯是佐酒恩物香脆鱈魚乾。配濃厚果香味清酒一起吃實在好味。前菜是松葉蟹肉配北海道白粟米沙律，白粟米爽口鮮甜，沙律菜配合醋汁吃很開胃。無骨雞鎚，採用九州走地雞，肉味濃郁，混合滑溜的溫泉蛋一起吃，正。機主南非鮑魚，吃起來很彈牙，配着菊花香味一起吃，感覺好寫意。牛脷拖羅，大份量，配合長白蔥麻鹽醬吃很夾。三件小拼盤，牛蒡醬油漬爽口，小鹹，中間是鯖魚味琳乾，有口感，最後是山藥漬三文魚，底下兩篇是三文魚的鼻梁，沒想到口感是非常爽脆。接着是烤物，燒鰻魚外皮香脆，搭着鰻魚汁吃很惹味。鹿兒島黑豚腩外層塗上了蝦膏醬及蔥花粒，未吃已經感受到他的香味。北海道椰子牛很大份，即是切開了上枱吃起來還是充滿肉汁，正。昆布清湯米餅很特別，米餅煎得香脆，大份量嘅昆布配合清湯味道很不錯。最後是甜品，有酒香味嘅冧酒燒菠蘿，滑溜嘅乳酪布甸，以及抺茶味蕨餅配紅豆，抹茶味配紅豆味就是非常夾。

盛惠每人$888 嘅所謂串燒omakase，串燒：月見雞肉串，南非鮑魚，青椒仔四條，zucchini 三小粒，豚肉栗米筍，鰻魚，美國牛肋骨肉..…….從來冇諗過比$888 係食呢啲唔可以再普通嘅嘢…..仲要唔飽！睇到啲review 以為呢間嘢好正，點知做咗水魚….當師傅比哂啲嘢比我哋話就係咁多，我哋仲以為佢講笑….味道認真一般，服務一般，但係價錢就一流！

女友人帶我嚟食師傅發板，感覺新鮮，而且每一樣都食得出師傅用心製作，高質。薄脆鱈魚乾我哋一坐低嘅時候店員就排隊上一份俾我哋，眼看是普通嘅魷魚絲，食落去香脆，有啲食平時薄脆豬肉紙嘅感覺，估唔到係咁香口。青魚北海道白玉粟米沙律青魚唔使講超級新鮮，我第一次生食粟米，呢個北海道白玉粟米真係超級甜仲好多汁，一試難忘。軟骨免治雞肉棒肉質軟林林，中間夾雜着一少量雞軟骨，增加左口感。點埋呢個生雞蛋，更加滑嘅感覺。店員介紹依個係走地雞嘅雞肉而且呢隻雞係飲礦泉水長大。淮山海雲酸酸甜甜，係一個好開胃嘅小食。磯燒鮑魚鮑魚唔會燒得過熟，大大隻嘅南非鮑魚。松葉蟹味噌甲羅燒超級多嘅蟹肉，用嚟點落嗰啲翠玉瓜，有中和嘅感覺，入邊有少少，紫蘇葉嘅味道。牛舌拖羅第一次食牛脷係咁爽口彈牙，佢淨係用咗牛脷中間嘅部份，嗰個部位最嫩滑，口感一流。白鰻串燒師傅話係先蒸熟後燒佢，上面加咗啲柚子皮。識落淡淡的柚子清香，配上師傅自家製嘅鰻魚汁，鰻魚香脆可口。豚肉粟米芯豚肉燒得好香，包住入邊嘅鹿兒島粟米芯，有爽脆嘅感覺，感覺好配合。牛肋骨條肉串甜甜地，牛肋條肉軟綿綿，唔會過熟，配埋上面嘅芥末醬汁，別有一番風味。昆布清湯米餅我都係第一次食依種清