影片
開飯介紹
來自日本廣島的拉麵店，主打濃厚湯底及自製麵條，配上灸熱叉燒，味道令人回味無窮。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
有關獎賞計劃
相關文章
#MC帶你去尖沙咀.黑白大廚嘅大蒜辛辣麵，人氣爆燈！！搭配濃厚豚骨湯拉麵，你又試過未呢？！➖✨ 霸嗎拉麵.來自日本廣島嘅人氣拉麵連鎖店，尖沙咀店最近裝修重開，店內貫徹日式風格，簡約風格配以木材設計，寛敞乾淨舒適。➖🥢 蒜山黑蒜醬油拉麵｜$95 ✨期間限定✨.蒜頭鋪滿整個碗面，賣相十分震撼！加上黑蒜醬油湯底，蒜香撲鼻；蒜頭烘烤後，質地軟腍但有口感，蒜味厚實只帶微微辛辣，搭配自家製拉麵，鍾意食蒜既朋友一定唔可以錯過！➖🥢 特盛灸燒豚肉拉麵｜$138 ✨人氣之選✨.足足四大塊灸燒豚肉！！超厚切豚肉（五花腩肉）肥瘦適中，肉味好濃厚，完全無肥膩感，而且入口好軟嫩，可以輕鬆撕開一梳梳豚肉！炙燒後外皮微微焦香，香而不膩。而豚骨湯底味道濃郁厚實，入口順滑。➖🥢 追加—味玉｜$15.味付雞蛋蛋黃呈溏心狀，啫喱口感非常濕潤，食落有香濃嘅蛋香味，而且雞蛋有醬漬過，所以入味鹹鮮。➖🥢 追加—味筍｜$10.日式涼拌味筍條，口感爽脆清甜。➖🥢 照燒餃子｜$38.一客五件！餃子煎得幾好，有冰花金黃脆皮，香脆可口！餃子皮幾軟滑，餡料份量適中，加上照燒汁味道香濃帶甜，不錯不錯。➖🍽 個人口味.與一般拉麵店無異，食客可視乎個人喜好，客人可自行選擇麵質軟硬度及配料。➖⚠️ 服務費.全店沒有加一服務費。➖➖➖➖➖➖➖➖➖➖➖➖➖➖
繼續閱讀
梅漬原個蕃茄冷沾麵🍅卡路里.ᐟ.ᐟ#foodrooling_健康推介 ▶️梅漬蕃茄慢煮雞胸冷沾麵 $88 （4/5）蕃茄冷麵汁第一啖好似熱浪蕃茄薯片味偏酸🥫質地有少少杰幾creamy，之後有陣陣辣味(幾驚喜!!🥹)整體酸酸辣辣，幾特別喎～🩷加埋冷沾麵，十分煙靭彈牙！夏天食好開胃～🌞梅漬蕃茄🍅有啲太甜口了，因為有用蜂蜜+梅漬🍯，但太甜，食唔出梅味，但原個蕃茄漬，幾特別嘅！慢煮雞胸份量唔少，十分嫩滑，表面有炙燒過，食到陣陣炙燒風味！正常發揮🙂↕️🙌🏻環境好有日本風格，播住日本歌，但唔係太夠冷氣，坐耐咗會有啲熱！🥵⸜♡⸝營 養 估 算 :🌟557 kcalCarbs: 95gProtein: 31.5gFat: 5.5g拉麵 🌟349kcal 74c 11p 1f番茄冷湯 (食用100ml) 🌟62kcal 9c 2p 2f雞胸肉 🌟106kcal 2c 18.5p 2.5f蜂蜜梅漬番茄 🌟40kcal 10c
繼續閱讀
呢間拉麵店係尖沙咀真係開左好多好多年記得以前夏天佢有出檸檬豬骨湯拉麵試過係幾好味呢日同男朋友經過呢頭，佢話肚餓咁我地就嚟食下拉麵。呢排出左個新款蒜頭拉麵本來想試但怕蒜頭食完個口太大陣味就唔揀啦😂之後男朋友叫左個辣豚肉拉麵（$95，中辣）我試左少少湯，好濃好好味不過對於我就辣左dd 。我唔太肚餓，叫左份小食有南瓜薯餅同咖喱薯餅最後叫左咖喱薯餅($38)個薯餅上碟出來超級熱，係即叫即炸出來就算吹凍左，依然勁脆口都幾好味。其實呢間拉麵店係唔差不過香港食拉麵真係好貴同埋唔另加配料通常食一碗拉麵，當正餐係唔夠飽所以當嚟食Tea就ok
繼續閱讀
【油尖旺區】【霸嗎拉麵】成日經過 The One 對面呢間喺斜路上面嘅拉麵店，成日都好想試，但係冇乜機會。今次適逢佢哋推出「蒜山黑蒜醬油拉麵」，作為大蒜控嘅我一定要試。咁啱經理哥都喺附近，就叫佢陪埋我試。佢試 $95 嘅「炙燒豚肉味玉拉麵」，佢話都幾好食，唔錯。咁我就梗係試 $95 嘅「蒜山黑蒜醬油拉麵」，濃厚豬骨湯底配黑蒜醬油嘅經典蒜山拉麵係期間限定嘅，蒜香超濃，爆多大蒜，多到根本食唔晒，成碗都係，勁滿足。我覺得大蒜仲多過拉麵，好癲，大蒜控一定要試。跟住我哋仲叫咗啲小食，我哋都係 share 食。跟餐嘅分別各加咗 $38 試兩件「咖喱薯餅」同四隻「雞皮餃子」，前者薯味好香勁邪惡，後者新鮮熱辣，一啖一隻勁爽皮。跟住我哋散叫咗 $35 五件嘅「唐揚炸雞」嚟試，嘩，外脆內嫩，有啲驚喜喎。埋單 $301，喺尖沙咀食到咁多好味嘅日式食物，唔貴喎。。。（地址：尖沙咀金巴利道26號地舖）
繼續閱讀
太耐冇去日本，想食返碗拉麵懷念下，朋友就介紹左尖沙咀呢間拉麵店，6點幾已經人頭湧湧，排哂隊。蒜山黑蒜醬油拉麵 $95見到最新推廣嘅蒜山黑蒜醬油拉麵啱晒重口味朋友，海量嘅蒜頭粒煮得軟糯但保留香味，入口即化，啖啖濃郁蒜香，整體湯底濃而不膩，帶黑蒜嘅蒜甜味，拉麵彈牙有嚼勁，索晒湯底精華加配 雞叉燒 $25雞叉燒肉質嫩滑，油脂分佈均勻雞叉燒味玉雞白湯拉麵 $95雞白湯湯底帶有濃厚嘅雞肉鮮味，拉麵吸收咗湯底嘅精華，食落口感非常滿足味玉蛋黃流心，有味而唔過鹹，雞叉燒同樣肉質嫩滑，油脂適中，少少蔥花同木耳為拉麵帶黎爽口嘅感覺羽根餃子 $35餃子底部金黃薄脆，口感鬆化，餃子餡料肉汁飽滿，配上酸酸甜甜嘅餃子汁仲惹味零系可樂 $15📌霸嗎拉麵 (金巴利道) (尖沙咀)地址：尖沙咀金巴利道26號地舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #蒜山黑蒜醬油拉麵 #雞叉燒味玉雞白湯拉麵 #羽根餃子 #雞白湯 #醬油拉麵 #人氣 #拉麵 #尖沙咀
繼續閱讀