寿々乃

營業中

休息中

今日週年紀念就book左呢間係跑馬地嘅omakase🌟一入到去師傅已經好親切咁招呼我哋👍🏻每道菜都會講解食材產地&食法，真係大開眼界🫢 dinner menu得miyabi ($1880), 包唔少前菜同刺身🤟🏻🌟前菜水雲藻山芋蓉 & 腐皮：酸酸甜甜幾開胃👍🏻炸沢蟹：殼炸得好脆，可以連埋一齊食👍🏻香脆可口，入面仲有啲蟹膏添🤤🌟季節京都名物：鱧魚順菜清湯配酸甜梅醬調味，湯好清甜，鱧魚肉質彈牙👍🏻 順菜外邊好似有層jelly包住咁，口感都幾特別😆🌟刺身五點師傅安排刺身順序由淡到濃味🤤平目：來自長琦白身魚，味道較淡，師傅建議可配酸汁食👍🏻魚質嫩滑，另外一個部位沿則就相對爽口彈牙，較有油香富山白蝦：完全係心機刺身🫶🏻一條已經=一隻蝦🤣食落好鮮甜，完全唔洗點鼓油😍金目鵰：用熱水灼過魚皮，迫出皮下油脂🤤入口微溶素揚白蝦：富山白蝦炸物 version🤣個人認為炸會更香脆，蝦嘅油香迫左出黎，每一啖都好幸福🥰佐賀赤貝 & 北海道見貝：見貝就咁食都好鮮甜😍 佐賀赤貝較爽彈同有咬口，個人覺得蘸鹽 & 檸檬汁更香鮮🫶🏻水八爪魚 & 吸管：因為好奇有幾長，師傅仲突燈show俾我地睇🤣整體爽口彈牙，吸管配醬油漬w

前菜🦀前菜係海草同一隻可食用嘅迷你蟹仔，好似還原海入面嘅場境咁，非常有心思湯內有順菜同鱧肉，用梅醬製成湯底刺身🐟努魚不錯，旁邊嘅酸汁加左好好食，仲有紫蘇花一條條小白蝦刺身，口感滑溜關青魚入口鮮甜，配紫蘇葉食北海道水八瓜魚好爽口，師傅展示了原條超長八爪魚鬚，好神奇紫海膽黎自岩手縣，色澤金黃帶橙，好甘甜好新鮮，係即開連殼上碟小食🍤炸白蝦仔，好香口，脆卜卜炸蝦丸，係用白蝦肉製成蝦丸再炸成，好大粒長奇栗米天婦羅，粟米幾甜，好特別壽司🍣潰物有蘿白同薑，壽司有鮎魚、金目鯛、飛魚、縞參、甘海老等，最鍾意縞參爽身而且重油脂，池魚就入口即融。印象深刻有石門貝，咬落好爽又甘甜，廚師教我地拍一拍令佢即刻蠕動好新鮮 外界刺激令佢纖維收縮 口感更加爽脆。甘海老 三隻蝦合埋。最後就係中半肥瘦吞拿魚腩、入口即化嘅大吞拿魚腩、咸度合適嘅赤身醬油漬。估唔到岩岩食完個海膽，最後壽司又有海膽，好好食。湯🍲面史湯入面有魚肉租應季蔬菜，飲完全身暖哂甜品🍈自家制羊堇、赤蜜瓜

吃過不少有質素的廚師發辦，師傅們各有特色，但講到氣氛，這晚在「寿々乃」，鄧師傅一人主場，風趣健談，與客人打成一片，真是盡興的一夜！鄧師傅說，想吃快餐的不要來，因為師傅全程邊用心解說邊烹調，快樂不知時日過，許久沒有吃過4小時的晚餐。師傅的另一特色是、不時會對比菜式問你喜歡那一款？是什麼原因？所以非常互動，我亦覺得這是他的市場調查，是了解客人口味及滿意度的聰明方法。晚上只有一款廚師發辦「雅 Miyabi」 ，每位$1880，項目之多，水準之上，平實不花巧，實力之作，性價比高！鄧師傅言，10個縣禁運之後無阻入貨，因為日本有40幾個縣，一個縣已有足夠款式招呼客人，這個晚上我們吃了來自各縣的鮮貨，有宮崎的澤蟹、四國愛緩的石鯛 、富山白蝦、佐賀赤貝、 北海道粒貝、大分關鯖、三重縣大拖羅、北海道根室海膽等。先付 Appetizer非常日式的擺設，放了四款食物，味道唔錯，但因為曾吃過，唔算特別。最有動感的宮崎小澤蟹，入口極鮮甜，之後隨即爆膏，向來聽說澤蟹雖小、但蟹膏豐富，果然！但味道帶酸，依個口味，打了少少折扣。非常酸的水雲，卻又很醒胃。京都湯葉即是腐皮，與期望中極滑！還有一個佐賀蜆，鮮度十足。季節清

餐廳位置旺中帶靜，加上店內裝潢，係呢度食Omakase，有種享受遠離繁囂的感覺！雅 Miyabi ($1880/人）先付 1️⃣蟹仔 -整隻炸得好脆，全隻也可以食，仲食到有小小羔、2️⃣腐皮 、 3️⃣蜆 、 4️⃣水云 - 味道係酸酸地季節清湯鱧魚清湯 - 鱧魚全部係細骨但係可以食，順菜外層有啫喱狀包住，完全純天然，紅色一點係梅醬刺身五點1️⃣石鯛 - 紫蘇葉可以放入酸汁一齊食2️⃣縞鰺 - 可以點wasabi 同豉油，肉質細緻爽口帶油份3️⃣富山白蝦 - 唔駛點豉油已經夠味，鮮甜4️⃣北海道哈夷貝/粒貝同赤貝 - 赤貝較濃味，哈夷貝/貝較爽甜5️⃣北海道八爪魚吸盤和肉配醬油漬wasabi - 比較攻鼻小食白蝦素洋 - 連頭連殼也可以食，炸白蝦很惹味三文魚子配蘿蔔茸 - 刨咗柚子粒係上面，首先淨食三文魚子，之後再撈蘿蔔茸一齊食，感受兩種唔同滋味季節料理二品1️⃣長崎粟米天婦罹 - 好甜、冇渣2️⃣海老真丈 - 真丈解作丸狀物，用了40隻白蝦仔，白蝦味濃，小辣椒仔不過唔辣 握寿司 - 十貫1️⃣金目鯛 - 鮮味肉嫩2️⃣關鯖魚（大分縣） - 肉質紥實3️⃣帆立貝（青森縣）- 肉質彈牙美味4️⃣墨魚BB (約3星期） - 𥚃面有紫蘇葉，係全晚最

＝前菜＝一隻好可愛小蟹仔，原來可以原隻食，旁邊有啫喱和海草=湯=湯中有鱔肉和順菜，肉質彈牙＝刺身＝盧魚刺身配上檸檬柚子混合成醬汁及紫穌花關青魚咬落鮮甜，配上紫蘇葉食＝蝦三味＝第一味係白蝦仔刺身，一抽抽咁食好有質感，另外，拎去炸口感脆卜卜，最後一味蝦肉取出製成炸蝦丸，好彈牙。＝八爪魚＝八爪魚預先去除了外層嘅衣，入口非常滑口彈牙，中間有切咗一粒粒wasabi，同平時食開不一樣，風味濃厚。廚師拎起八爪魚向我地展示，條鬚超長，拍照留念了。＝海膽＝海膽新鮮切開，好正，味道甘甜，質感細膩，幾乎入口即溶，原來每隻都不同味道，因應生長環境有所不同，例如住在海草或是岩石旁。＝天婦羅＝長崎粟米天婦羅非常特別，第一次食＝壽司＝鮎魚係夏季代表魚，來自岩山，有夏天來了嘅意思金目鯛輕輕燒過，皮下脂肪厚鰝鰺咬落爽身而且油香，幾好食嘅白身魚飛魚都不錯，廚師拎原條出黎俾我地睇，非常巨形，腮邊好似有一對翼，游水嘅時候好似飛緊咁石門貝咬落好爽口甘老幾好食中拖羅半肥瘦剛好大拖羅好新鮮，上面灑咗少少鹽赤身係醬油漬幾入味＝甜品＝自家制糕點及赤蜜瓜

慶祝特別日子，梗係要食好野，期待左好耐嘅omakase! 餐廳喺跑馬地黃泥涌道，雖然位於跑馬地，但其實銅鑼灣站行過去都好快，只係5分鐘。餐廳有一張長型壽司吧枱，可以容納十人，裝修日式清雅，仲有個小小庭園，真係好有日本感覺。晚餐主要提供一款omakase menu: MIYABI ($1880)食物有質素，食材新鮮多元化，大滿足。切魚生握飯處理食材都係師傅親自主理，每一道菜師傅都會詳細介紹所用的食材，非常專業用心。有時食omakase會好拘謹，但今次全晚氣氛都好輕鬆，師傅好健談。前菜好似藝術品，擺盤精美，未食已經覺得好有驚喜。水雲藻山芋蓉，腐皮，一夜干，再加香脆可口炸沢蟹，可以連殼食。鱧魚清湯配梅醬，肉質爽彈，加上順菜，有一層啫喱包住口感特別。平目魚，屬於較淡味嘅魚，所以師傅特別配上酸汁，好清爽。金目鯛來自日本熱海，師傅用熱水燙過魚皮，可以連皮一齊食，入口甘香。富山縣小白蝦係師傅逐隻剝殼，非常鮮甜，再黎二食素揚小白蝦，炸到好香脆，唔洗加任何醬汁都好好食粒貝+石恒貝，可加鹽食，但唔加鹽都已經食到好鮮味，兩者肉質都好有彈性。水八爪魚觸手肉加八爪魚吸盤， 第一次食八爪魚吸盤，非常爽脆。三文魚子

Appetizer 前菜由4樣精緻料理作為開胃菜🥢🦀宮崎蟹仔即使是細細隻的蟹，卻都帶有豐富的蟹膏，入口時滋味十足🌾湯葉-腐皮卷帶來了扎實口感和豐富層次感🐟一夜乾-燒鮎魚乾是一道風味獨特的小吃，魚肉較緊實，油脂與香氣俱備，讓人垂涎欲滴。🍃水雲菜清新口感以及微酸湯汁十分開胃🌸季節のスープ Seasonal Suimono時令季節湯 : 京都名物⛩️豊魚上的莓醬帶來了酸甜，為魚肉增添了清新的風味，𥖁菜的天然啫喱質地進一步豐富了湯的口感✨刺身五點 Sashimi - 5 kinds:🥢四國產-石鯛魚搭配紫蘇花和愛媛縣名物醋橘食，帶來了豐富的口感和風味。🦐富山縣產-白蝦仔一條一隻蝦仔！一口已經有好多隻，鮮甜濃郁的口感，即使不加豉油也十分美味。🥢櫻島特產-間八魚像油甘魚一樣油脂豐富，帶來濃郁且豐富的口感。🥢宮城縣-赤貝肉質爽口鮮甜，放在檸檬上多了一份檸檬清香，更加提升了口感。🐙八爪魚八爪魚的呈現方式別出心裁🫶🏻紫蘇葉上的鮮甜水八爪魚和檸檬片上的爽口八爪魚腳都帶來了不同的風味和口感。醬油漬醃製的Wasabi為八爪魚腳增添了驚喜，將少量醬油漬Wasabi塞入八爪魚腳的洞內，一口咬下時，爆發出刺激神經的W

終於做完個大project, 去咗銅鑼灣附近嘅高質餐廳, 「獎勵」自己🤤食嘅係dinner set嘅「雅みやび」($1880)同平時omakase一樣, 同師傅一路食一路傾計, 師傅好細心咁介紹每一道菜嘅食材同做法. 傾傾下先知原來師傅已經入行28年, 經驗豐富, 難怪每道菜都係極致嘅享受☺️🍴先付蟹仔 + 海帶 + 蜆 + 腐皮- 蟹仔係成隻都食得, 好mini, cute cute der, 食落脆口仲有蟹膏!- 海帶食落酸酸甜甜, 一掃近排落雨嘅郁悶感~🍲季節のスープ湯物 - 鱧魚加一小滴梅醬, 鱧魚本身係好多骨嘅魚, 師傅話一般日本做法唔會去骨, 所以用咗心思令啲骨都可以食到～另外, 順菜係天然帶有啫喱般嘅coat, 食落好得意!🍣刺身五點- 平目: 第一個serve嘅刺身, 第一啖食落去淡淡地, 中後段啲魚味出哂黎, 層次感分明- 富山的白蝦: 一條巳經等於一隻蝦! 同一般蝦唔同, 呢個食落去有一種清新嘅甜蝦味🦐- 金目雕: 熱水灼過魚皮的~- 素揚白蝦: 第二款白蝦煮法, 炸得好香口, 永遠都食唔厭咁🥹- 赤貝: 食落好新鮮, 仲識郁! 有片檸檬喺底, 令到成件事更fresh

雅Miyabi $1880set先付水雲醋物： 黏滑口感京都炸豆皮：豆味香濃宮崎縣蟹：原隻炸蟹好酥脆鮎魚：魚肉散發著鮮味季節水物清湯鱧魚順菜，京都風格烹調既高湯刺身石鯛刺身配紫蘇花穗：切得薄薄的魚片，配青檸酸汁好開胃間八刺身：好厚切，肉質嫰滑鮮甜甘海老刺身：入口豐富膠質炸白蝦小食：口感脆卜卜，好酥脆北海道水八爪魚觸手肉和八爪魚吸盤：配兩款山葵，充份提升食物既鮮味三文魚籽：陣陣海水味，魚籽一咬即破季節料理長崎粟米天婦羅： 炸到金黃色，粟米味道香甜炸白蝦丸：美味彈牙，青椒仔夠惹味手握壽司鮎魚：柔軟滑溜金目鯛：肉質細緻鮮美深海池魚：略帶魚油香甘海老：厚肉彈牙帆立貝：口感厚實石垣貝：肉質鮮甜吞拿魚鰭下肉：魚香恰到好處吞拿魚魚腩：雪花分佈既油脂，味道濃郁吞拿魚醬油漬：醬油漬帶出魚既鮮味海膽手卷：海膽濃厚甘甜吸物味噌湯：配料有香蔥和昆布甜品紅豆水羊羹：甘甜而不膩口富良野赤肉瓜：皮薄多汁

前菜:湯葉卷, 沖繩海藻, 鮎魚和沢蟹季節水物: 鱧魚清湯刺身五點季節料理:炸白蝦, 長崎粟米天婦羅和炸白蝦丸手握壽司10貫吸物：味噌湯甜品：紅豆水羊羹和北海道哈蜜瓜今個月嘅Omakaese day 揀左去朋友介紹嘅寿々乃。第一個course 係4道好精美嘅前菜, 宮廷式嘅presentation 配上食材嘅精心挑選, 未食都已覺得不枉此行。食完前菜之後, chef 準備左鱧魚清湯, 鱧魚切左應該有上百刀, 所以完全唔會食到骨, 只會覺得魚肉脆嫩。刺身方面, 個人最鐘意白蝦刺身同北海道水八爪魚刺身, 白蝦鮮甜而水八爪魚爽彈, 2種口感帶來不一樣嘅滋味。壽司方面, 餐廳準備左秋季第一美食, 刺身級別嘅秋刀魚, 食落同平時嘅秋刀魚完全係兩回事, 風味濃厚又不失新鮮。除此之外, 我地今次仲食到吞拿魚嘅稀有部位 ㄧㄧ 天身。天身製成壽司就好似紅寶石咁靚, 即使我上道菜食左大拖羅, 但係都冇搶左天身嘅風頭, 依然都係令人驚豔。Overall 成餐飯嘅質素我都好滿意, 遲d 可能約埋朋友再encore。

位於跑馬地高級日本壽司，環境非常舒適，餐廳由有28年經驗之師傅主理提供高質omakasae.我同友人今晚就嚟到壽々乃享用我哋嘅晚餐。晚餐提供omakasae一個Menu $1880,包含前菜，刺身，季節料理，壽司，手卷及甜品，餐廳選用高質日本食材，為食客提供置身於日本嘅體驗。前菜：鱧魚順菜清湯配以梅醬 (鱧魚10分新鮮，由於禮魚本身多碎骨，師傅就用佢嘅刀工將佢切斷識落口唔會有魚骨嘅感覺）平目魚薄切 配柚子酸汁(白身魚本身味道比較清淡，師傅用上柚子選擇提升魚嘅鮮味）刺身：熱海金目鯛富山灣白蝦白蝦素揚（酥炸連殼白蝦，比起刺身蝦味更加濃郁）粒貝拼岩手石垣貝（師傅輕輕拍打一下，令貝類更加爽口彈牙）北海道八爪魚（1.5米長的八爪魚腳分成吸管吸足身，吸管非常爽口足身軟滑）三文魚子蘿蔔蓉（三文魚子非常爽脆用新鮮筋子逐粒拆開）季節料理：靜岡白燒鰻魚 (鰻魚用白燒方式外皮香脆入面軟滑係我第一次喺香港食到咁高質嘅鰻魚）新鮮白蝦炸蝦球（俾去中式方式用海蝦炸蝦球，用上日本白蝦蝦味更加濃郁）壽司：石鯛秋刀魚（時令秋刀魚魚味爆發在口腔）關鯖墨魚bb (一年只有一個月可以試到，完全唔可以雪藏比較）呑拿魚鰭下蛇腹大t

今日生日，老公帶我去左銅鑼灣隔離既跑馬地一帶食生日飯，地點唔遠，係木球會對面，距離銅鑼灣大概行5-10分鐘左右就到，而且餐廳私隱度高，門外裝修都好日系同和風，餐廳之前已經係sogo7樓經營左9年，搬店幾個月，而且好幸運地遇到主厨師傅係到，so lucky!!!!!入座後，師傅為我哋準備左份前菜，有隻好QQ既小蟹係到，師傅話成隻蟹仔都食得，加埋仲有沾魚一夜干，視覺同口感都好享受🤩🤩之後再安排既係一款清湯，係用鱧魚同信菜製成，鱧魚又名骨千刺，要靠師傅刀功切好多刀令細骨唔會刺口，加上面頭既梅醬，口感好鮮味！而信菜亦幫助消化，好好食！刺身安排左5款石雕魚味道鮮甜，呢款魚係四國愛如県既出品，味道香甜虎山既白蝦一小碗係用好多既小白蝦製成，每一隻都係隻隻既白蝦，味道鮮甜，唔沾醬油都好好食，別有一番風味！師傅更用白蝦製成三食，呢個係其中一食金目鵰師傳先用熱水焯過魚皮，令魚皮更爽滑有口感水八爪魚有坊間比較少出現既wasabi 醬酒漬，原來一條八爪魚腳有大概6.5kg咁重架😱😱，師傅有介紹食法，想刺激啲更可放wasabi 入吸盤中食用，而吸盤味道好爽口，一口一粒咁食用好正啊！蝦夷貝，即係北海道出產既貝款類